Ahabanza  >>  Amakuru Yose >> Hirya no Hino >> Mu Rwanda >> 

Ruhango: yakubiswe hafi yo gushiramo umwuka

Mu murenge wa Kinazi mu kagari ka Burima mu karere ka Ruhango Umusore uri mu kigero kimyaka 28 yatoraguwe mu murima w’imyumbati abonywe n’abana b’abanyeshuri bari bavuye gukina umupira ku kibuga cya Nyamukumba aho bahise batabaza umukuru w’umudugudu bamubwirako babonye umuntu wenda umwuka

Havugimana Jean Damascene umukuru w’umudugudu wa Kibanda aganira n’imirasire ku isaha ya saa moya na mirongo ine n’itanu z’umugoroba ubwo uyu musore yararimo akorerwa ubutabazi ngo ajyanwe kwa muganga, yatangaje ko uyu musore batari bamuzi gusa abaturage bavugako yakoraga akazi ko guhinga akaba yaraje avuye muri Byumba aje gushaka amafaranga gusa izina rye ntiryigeze rimenyekana.

JPEG - 55.8 kb

Hirya no hino hagaragara urugomo rushobora no kugeza ku rupfu

Umukuru w’umudugudu yatangaje ko hari abacyekwa baba bagize uruhare mu ikubitwa ry’uwo musore kuri ubu bakaba bari gushakishwa ngo bakurikiranwe n’ubutabera.

Bamwe mu baturage batangarije imirasire ko uyu musore bamukubise ku masaha ya saa sita z’amanywa bakamuta aho yakubitiwe ngo yakubiswe azira amafaranga Magana tatu y’u Rwanda (300frs) atishyuye umudamu utaramenyekana izina.

Havugimana Jean damaseni akaba yatangajeko ibikorwa nk’ibi by’urugomo bidasanzwe bigaragara muraka gace batuyemo, gusa muri aka karere ka Ruhango ni hamwe mu duce hakunze kugaragara ibikorwa nk’ibi by’urugomo aho batangazako byacitse nyamara kuri ubu bikaba bikihagaragara.

Uyu musore akaba yurijwe imbangukira gutabara ku isaha ya saa mbiri z’ijoro yerecyezwa ku bitaro bya Ruhango biri mu murenge wa kinazi.


Ndahiro Valens –Imirasire.com

Ibitekerezo

HAVUGIMANA - 22/06/2013 saa 20:16

ariko noneho ndemeye murakora koko ese mutubwize ukuri iyi nkuru ko yabaye ejo mwariyo cyangwa bababwiye? ese Valens ni papy cyangwa ni umunyadukoryo wanyu umeze nkuwa radio ntashatse kwamamaza wallah ndabatinye
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Close X