Ahabanza  >>  Amakuru Yose >> Imyidagaduro >> Hanze y’u Rwanda >> 

Umusogongero w’ amateka y’ umuhanzi Jason Derulo

Umuhanzi Jason Derulo yamamaye ku Isi yose by’umwihariko mu Rwanda ku indirimbo ye “Watcha Say” yashyizwe ahagaragara mu mwaka wa 2009

Uyu musore wize ibijyanye na muzika ndetse no kubyina, yavukiye mu Ntara ya Miami muri Leta Zunze Ubumwe z’Amerika (USA), tariki 21/09/1989 ku babyeyi bombi baturuka mu gihugu cya Haiti.

JPEG - 12.4 kb

Ku myaka itanu y’amavuko gusa, Jason Deluro yatangiye kugaragaza impano ye mu kuririmba maze ageze ku myaka umunani ahimba indirimbo ye ya mbere yitwa “Crush On You”bisobanura Urankurura, mu rurimi rw’Ikinyarwanda.

Ibijyanye no kuririmba yabyinjiyemo bwa mbere ubwo yari umufana ukomeye wa Michael Jackson, aho yakundaga kureba amavideo y’indirimbo ze maze akigana uburyo abyina.

Yakundaga kandi kuririmba indirimbo za Usher ndetse na Justin Timberlake ari nako azibyina.

Nyuma yaje kujya kwiga ibijyanye n’umuziki ndetse no kubyina mu ishuri ryitwa American Musical and Dramatic Academy riri mu mujyi wa New York, yaje kurangiza muri iryo shuri afite imyaka 17 y’amavuko.

Muri icyo gihe kandi nibwo yahuye na Frank Harris wamufashije kwiga gukina umukino w’intoki wa Basketball, dore ko ngo yawukundaga cyane.

Ku myaka 16 y’mavuko Jason Derulo yatangiye kwandika indirimbo
z’abahanzi bakomeye muri Amerika barimo P. Diddy, itsinda ry’abaririmbyi rya Danity Kane, Donnie Klang, Sean Kingston, Cassie na Lil’ Mama ndetse na Lil Wayne.

Jason Derulo yaje kuvumburwa na producer J.R. Rotem wo muri Amerika utunganya ibijyanye n’umuziki mu nzu itunganya umuziki yitwa Beluga Heights ntihashira igihe kuko yaje kugirana ubufatanye na studio yitwa Warner Bros. Records.

J.R. Rotem avuga ko yakunze indirimbo Jason Derulo yandika maze amuzana muri Beluga Heights kugira ngo ajye akora umurimo wo kwandika indirimbo.
Nyuma nibwo yaje kuririmba maze bumva afite ijwi ryiza atangira kuririmba atyo; nk’uko J.R. Rotem abihamya.

Muri Kanama mu mwaka wa 2009, nibwo Jason Deluro yashyize ahagaragara indirimbo ye ya mbere yitwa “Whatcha Say”, nk’umuririmbyi ku giti ke.
Hashize amezi atatu iyo ndirimbo isohotse yabaye ya mbere ikunzwe muri Amerika.

Album ya mbere ya Jason Deluro yise “Jason Deluro” yagiye ahagaragara muri Werurwe mu mwaka wa 2010.

Izindi ndirimbo za Jason Deluro zamenyekanye mu Rwanda harimo “In My Head”, “Ridin’ Solo”, “Don’t Wanna Go Home”, It Girl, “Breathing” “heartbeat” n’izindi.
Mutabazi ally - imirasire.com

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X