Ahabanza  >>  Amakuru Yose >> Utuntu n’utundi >> 

Temarigwe agiye guhangana n’ umunyamerika mu irushanwa ryo kurya

Umwe mu bagabo bazwi mu marushanwa yo kurya aratangaza ko amaze iminsi arimo kwitegura umunyamerika mu marushanwa yo kurya bazahuriramo mu kwezi kwa Nzeli uyu mwaka wa 2013 kuri sitade Amahoro, aho bazaza ari abanyamerika hafi 150 bazaba bitabiriye iri rushanwa

Uyu mugabo w’ umugore umwe n’ abana, aganira na Imirasire.com yatangaje ko uyu mukino atari ubusambo nk’ uko abantu babivuga, ahubwo avuga ko ari impano muzindi ni nk’ iyindi mikino yose.

JPEG - 116.7 kb



Temarigwe arimo kwitegura amarushanwa yo kurya azamuhuza n’ umunyamerika

Akomeza avuga ko ubu ari mu myitozo ikomeye yo kwitegura umunyamerika, aho bazahatana mu kwezi kwa Nzeli, avuga ko bakunze kuvugana cyane n’ ababishinzwe bamubaza uko imyiteguro imeze.

Kubijyanye n’ uburyo abayeho iwe mu rugo, avuga ko murugo iwe arya bisanzwe, ariko iyo ari mu kazi aba ari mu kazi.

Yaboneyeho kubwira abantu barimo kumusaba gukora amarushanwa muri iyi minsi y’ vigisibo ko ntamarushanwa ashobora gukora mu gisibo, kereka wenda ari kurwego mpuzamahanaga.

JPEG - 160.1 kb

Temarigwe

Arakangurira abantu kuba bakwitabira ishuri rye yatangije ryo kwigisha abantu kurya ibiryo byinshi, dore ko afite abanyeshuri benshi yigisha mu ruhengeri.

Yasoje yifuriza abayisilamu bose igisibo cyiza kandi bazirikana umuhamagaro wabo, ikindi arasaba abterankunga kuba bashyiramo amafaranga, uyu mukino ukaba wakomeza gutera imbere no mu bindi bihugu bidukikije.

Hari andi makuru agera ku Imirasire.com avuga ko hari umwe mu bakinnyi bo kurya witabye Imana, Temarigwe yatangaje ko iyo nkuru ariyo, gusa ntabwo yari yakamenyekana cyane muri uyu mukino gusa yari amaze gutera intambwe nziza muri uyu mukino kuko yari afite ejo haza heza muri uyu mukino.

Izina Temarigwe ryaturutse ku kuba umubyeyi wamwibarutse yaramwibarukiye mu rutoki, ababyeyi be kuko bari abagande sogokuru we amwita Ekigwe Ekitoke, abandi babihinduramo Temarigwe mu Kinyarwanda.


Jean de Dieu Dushimimana – Imirasire.com

Kanda hano udukurikire kuri Facebook na Twitter

Ibitekerezo

jacques bizimana - 24/06/2014 saa 18:19

ese mu rwanda temarigwe ni we ukina uwomukino wenyine?
Kanda hano umusubize

murengerantwali ildephonse - 20/10/2013 saa 08:25

Ese irushanwa ryarabaye?ryatsinze nde?mutubwire.
Kanda hano umusubize

Grace Kagoyire - 23/07/2013 saa 15:02

ndabaza ese buriya mwe abo bantu bakora imyitozo?ubwo se babona ibyo kurya bitorezaho bibahaza?ahaaah amarushanwa aragwira.
Kanda hano umusubize

ruben - 23/07/2013 saa 14:38

hahahahahahahhahaaaahahaaa anakataze naz ko inzara yateye
Kanda hano umusubize

furaha - 23/07/2013 saa 10:58

hahahahahahaha ko numva iryo rushanwa ntaho ritaniye n'andi yose tuzaza kwihera ijisho ese ubwo mubona Tema rigwe azahangana n'uwo munyamerika akamutsinda ni ukubitega amaso
Kanda hano umusubize

Muhawenimana Vincent - 23/07/2013 saa 10:43

Azaba ari ubuntu?
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Close X